ارکین نیوز- استاد عبدالقهار صوفی راد شاعر توانای ترکمن صحرا با سرودن شعری همدردی خود با فاجعه منا را ابراز کرد

متن شعر:(قوشغی):

منادا پیدا بۇلان حاجئ لارئمئزئنگ جایئ اوچماٰ بۇلسون! – عبدالقهار صوفی راد
انچه یئل غاراشدئنگ نۇبات گلر دییپ
غاراشئلان آرزوو شۆیل بۇلدئ حاصئل،
بگنچدن دۇلودئ سنینگ گؤزلرینگ
بگندی ایل- گۆنۆنگ، سۇنگوندان غاپئل!
×××
انچه یئل غاراشدئنگ، پأک آرزوو بیلن
بأش ایشینگ بیرینی برجای اتسم دییپ،
هر حالاتدا دۇغا- دیله گینگ شۇلدئ
اولئ هؤوس بیلن، کأبأ گیتسم دییپ.
×××
گیتجک واغتئنگ اۇبا – اولوس جم بۇلوپ
متجیتدن ادیپدیک یۇلا رۇوانا،
بیر بویسانچلئ پورصات، سن بگنیأردینگ
کیم بیلیأردی ظولم ایله سین زامانا!
×××
«بیزه-ده دۇغا ات، بارسانگ اۇل کأبأ»
دیییپ، خۇشلاشئپدئق – سن بۇلسانگ مئلغاپ،
«حؤکمان!، نصیپ اتسین سیزه-ده» دیییپ
خۇشلاشئپ گیدیپدینگ الینگی سالغاپ.
×××
بیلیأن، اۇل موقاددس مکانا بارئپ
طۇغاپ ادیپ، ایل- گۆنۆنگی یاد توتوپ
چاغالارنگا، دۇغان – غارئنداش، بارچاٰ ٰ
دۇغا اتدینگ یکأن- یکأن آد توتوپ.
×××
بیلمه دیم بیردنکأ آغئزدان- آغزا
غوربانلئق گۆن غوشلوق چاغئ بد خابار،
یایراپ ماتام اتدی بایرام گۆن لری
غئرغئن بۇلوپدئر دییپ، تۆرکمن حاجئ لار.
×××
اۆچ گۆن غوربانلئغئ بایرام ادیأن خالْق
بو یئل ماتام بیلن گچیریأر گۆنۆن،
اؤلن لره آغلاپ، بلکی ییتن لر
ساغ-سالامات دئر دییپ، گۆیمه یأر گؤونۆن!
×××
حاجئ! هانئ گلمزمی سینگ اؤورۆلیپ
یئقئلدئمئ سنینگ یاشایئش تاغتئنگ؟!
یۇلداش لارئنگ، بیلیأن سن سیز گلره
تاپ گتیرمأن، آغلاپ گچیریأر واغتئن.
×××
پأک آرزوولارئنگ دی پأکدی یۆره گینگ،
بیلیأس سنینگ جایئنگ گؤزل اوچماخ دئر!
سنگ ائزئنگدا شاخئر آغئ یازسا-دا،
آرزووئ سنینگ دی موندان گؤچمک دیر.